19

کیا آپ ناریل کے پانی کے ان فوائد سے واقف ہیں؟

ناریل کو ایسے ہی کھایا جائے یا اس کا پانی پیاجائے دونوں ہی صورتوں میں ناریل انسان کو فائدہ پہنچاتا ہے فوٹو:فائل

ناریل کو ایسے ہی کھایا جائے یا اس کا پانی پیاجائے دونوں ہی صورتوں میں ناریل انسان کو فائدہ پہنچاتا ہے فوٹو:فائل

ناریل قدرت کی طرف سے انسانوں کو دیا ہوا ایسا تحفہ ہے جس کے بے شمار فائدے ہیں ناریل کو ایسے ہی کھایا جائے یا اس کا پانی پیاجائے دونوں ہی صورتوں میں ناریل انسان کو فائدہ پہنچاتا ہے۔

کچا ناریل؛

ہرے یا کچے ناریل کے پانی میں وٹامن سی،  فائبر اور منرلز وافر مقدار میں پائے جاتے ہیں۔ ناریل کے پانی میں 94فیصد پانی شامل ہوتا ہے جو انسان کی پیاس بجھانے کے ساتھ انسان کی جلد اورجسم کے لیے بھی بے حد فائدے مند ہوتا ہے۔

شوگر کے مریضوں کے لیے مفید؛

ماہرین کے مطابق ناریل کا پانی جسم میں شوگر کی مقدار کم کرنے میں بہت مدد کرتا ہے۔ شوگر کے مریض بغیر کسی خدشات کے ناریل کا پانی اپنی روزمرہ غذا میں استعمال کرسکتے ہیں۔ ناریل کے پانی میں فائبر کے علاوہ میگنیشیم بھی پایاجاتا ہے جو ذیابطیس کی اقسام نمبر 2 کے مریضوں کی شوگر کم کرنے میں مدد کرتا ہے۔

اینٹی آکسیڈنٹ؛

ناریل کاپانی اینٹی آکسیڈنٹ کا بہترین ذریعہ ہے جو جسم کو نقصان پہنچانےوالے ذرات سے محفوظ رکھتا ہے۔ اس کے علاوہ یہ جسم میں بلڈ پریشر اور انسولین لیول کو قابو میں رکھتا ہے۔

گردوں کےامراض میں مفید؛

ناریل پر کی جانے والی تحقیق میں یہ بات سامنے آئی ہے کہ ناریل کا پانی گردوں کے امراض میں بے حد مفید ہے۔ ناریل کاپانی پینےسے گردوں میں پتھری ہونے کے امکانات کم ہوجاتے ہیں۔ اس کے علاوہ ناریل کا پانی کرسٹل کو گردوں میں چپکنے سے روکتا ہے اور باآسانی اس کے اخراج میں مدد کرتا ہے، لہٰذا سادہ پانی پینا تو گردوں کے امراض میں مفید ہے ہی لیکن ناریل کا پانی سادہ پانی کا بہت اچھا نعم البدل ثابت ہوسکتا ہے۔

دل کےامراض میں مفید؛

ناریل کاپانی دل کےامراض میں مبتلا افراد کے لیے بھی بہت مفید ہے، ناریل کا پانی دل کے امراض کو کم  کرنے میں بہت مدد کرتا ہے، ناریل کے پانی میں کولیسٹرول کم کرنے کی بہت اچھی صلاحیت ہوتی ہے جس کے باعث دل کے امراض ہونے کا خدشہ کم ہوتا ہے۔

انرجی مشروبات کا نعم البدل؛

ورزش کے بعد زیادہ تر لوگ انرجی بڑھانے والے مشروبات کا استعمال کرتے ہیں لیکن ان مشروبات کی جگہ اگر ناریل کاپانی استعمال کرلیا جائے تو اس کے فائدے دیگر مشروبات کی نسبت زیادہ ہوتے ہیں۔ ناریل کاپانی جسم میں پانی کی کمی کو کم کرنے میں اور پیٹ اور معدہ کی تکلیف کم کرنےمیں بھی مدد کرتا ہے۔ لہٰذا مہنگے انرجی والے مشروبات کی جگہ ناریل کا پانی زیادہ موثر ہے۔

کیٹاگری میں : صحت

اس خبر پر اپنی رائے کا اظہار کریں

اپنا تبصرہ بھیجیں

This site uses Akismet to reduce spam. Learn how your comment data is processed.